当前位置:主页 > 挑战不可能 > 正文

中环出更:买奖券帮到人又可中奖 王贤讯:细个全家出动支持

2020-01-17 来源: 430 挑战不可能
中环出更:买奖券帮到人又可中奖 王贤讯:细个全家出动支持王贤讯话细个用零用钱买奖券。

仁济医院就早前举行咗二○一九慈善双週嘅奖券搅珠仪式,董事局主席王贤讯(Vincent)就话从小学一年级开始,每年学校都会派一大叠奖券畀佢哋卖, 每次奖券到手,都会用自己零用钱买几张,当然係第一时间搵阿妈同姨妈姑姐大力支持吓啦,所以销情从来唔係问题。Vincent仲话嗰阵啲奖品相当丰富,奖券上会印埋奖品嘅相,最深刻係见过头奖係一个单位添!但佢就讲笑话,嗰阵都有怀疑过啲奖品係咪真嘅,因为咁多年都未听过有身边人中奖喎。

周松东:小朋友卖旗易得多

副主席周松东话细个都有帮学校卖奖券,唔单止搵屋企人帮手,仲会企喺街头搵街坊买,话以前易好多,十个有八个都肯买,仲讲笑话可能街坊见到小朋友卖旗咁可爱会降低戒心啦!佢仲话係有实验证明o架,事关佢同太太依家有陪埋小朋友一齐上街卖旗,每次嘅成绩都係两个小朋友卖晒,太太排第三,自己永远都係包尾喎。

今次慈善双週嘅大会主席、仁济医院另一副主席孙蔡吐媚就话,每年都会好支持买一大堆奖券,然后会派畀公司啲同事,但佢话都有同事讲笑咁诈佢型,话未中过奖喎,孙太话係时候考虑吓搞个颁奖礼,等多啲人知道真係有奖品o架!

中环出更:买奖券帮到人又可中奖 王贤讯:细个全家出动支持李永毅(左)同罗颖怡(右)对呢部搅珠机好感兴趣。(温国佳摄)中环出更:买奖券帮到人又可中奖 王贤讯:细个全家出动支持孙蔡吐媚(左)同周松东(右)希望筹到多啲善款帮人。罗颖怡:抽中过机票钻石链

咁究竟係咪真係有奖品o架?总理李永毅同罗颖怡有份出席今次搅珠仪式,罗颖怡就好肯定係有,仲话从小就一直有买奖券嘅习惯,而且仲中过几次大奖喎,大学时期试过中东京来回机票,而最难忘係出嚟工作后,试过抽中钻石颈链添呀!

卓妮

90%的人会对以下内容感兴趣:

.......................
.......................